hanser

Hanser, act. acut. Est associer aucun aux privileges, usages, droicts et coustumes d'une compagnie marchande, ou d'un corps de ville, Cooptare, Adcire, Admittere, Asciscere. Ainsi dit on, Hanser un marchand de la marchandise de l'eauë, quand ceux de la compagnie de ladite marchandise le reçoivent en icelle pour jouyr de leurs privileges. Au 1. chap. artic. 3. de la jurisdiction de la Prevosté et Eschevinage de Paris: Tous marchands pourront faire amener toutes manieres de grains et farines aval l'eauë, pour vendre en la ville de Paris, au dessus des ports d'icelle, sans congé, sans hanse, et sans compagnie Françoise. Mais non pas ceux qui en admeneront ou fairont venir d'aval l'eauë. Car ils ne pourront mettre sur ladite riviere entre le pont de Mante et ceux de Paris, pour rebourser l'eau contremont ny autrement, que icelles denrées et marchandises ne soient forfaictes et confisquées, si non que ceux à qui elles seront, soient bourgeois de Paris, et hansez de la marchandise de l'eauë.

Thresor de la langue françoyse. Jean Nicot.